Autenticar
Main menu

A AEG utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar
'Avespa', 'nespra', 'vespa'... Qual a forma supradialetal proposta para esse inseto? https://pt.wikipedia.org/wiki/Vespa

'Avespa', 'nespra', 'vespa'... Qual a forma supradialetal proposta para esse inseto?

Olá! Ultimamente estou a escuitar muito o termo avespa, para referir-se ao inseto, quando na minha comarca sempre se usou nespra. No dicionário da RAG aparecem os dous vocábulos. Qual seria a forma mais própria do galego? Em Bergantinhos a vespa é umha moto.

 

José António. Twitter

 

 

RESPOSTA DA COMISSOM LINGÜÍSTICA DA AEG

 

No galego espontáneo contemporáneo registam-se, para designar os insetos himenópteros (de pequeno tamanho) da família Vespídeos e de famílias afins, as variantes geográficas avespa ~ avéspera ~ avéspora ~ avrespa ~ nêsvora ~ nêspara ~ nêspora ~ nespra ~ vespa ~ véspora. De todas essas variantes geográficas galegas, a comum com os padrons lexicais lusitano e brasileiro é vespa, e como a variante geográfica vespa na Galiza nom é marginal, e como a variante geográfica galega vespa é utilizada no mundo atual por cerca de 200 milhons de pessoas, e como a variante geográfica galega vespa é a única, entre as galegas que designam as vespas, que hoje é utilizada em milhares de páginas internéticas e em centos de livros de entomologia, de agricultura, de silvicultura, de toxicologia, de imunologia, etc. escritos em variedades geográficas do galego (sobretodo, no galego-português de Portugal e no galego-português do Brasil), a decisom racional, favorável aos interesses de todos os utentes de galego, é selecionarmos na Galiza a variante geográfica vespa como forma supradialetal, o que, de facto, já foi feito pola Comissom Lingüística da AEG, no seu documento codificador O Modelo Lexical Galego.

 

Quanto à interpretaçom da voz vespa em Bergantinhos com o sentido de ‘moto’, o nosso amável consulente nom se deve admirar, umha vez que existe umha motocicleta de tipo scooter, de fabricaçom italiana e muito popular, que leva o nome de Vespa. E leva o nome Vespa porque em italiano, como em galego-português, vespa denota as vespas!

Última modificação emSegunda, 05 Fevereiro 2018 11:53
Avalie este item
(4 votos)

185 comentários

Deixe um comentário

Certifique-se de preencher os campos indicados com (*). Não é permitido código HTML.

voltar ao topo

Facebook Twitter RSS Global