Autenticar
Main menu

A AEG utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar
Realizada Assembleia Fundacional da Assembleia de Estudos Galegos

Realizada Assembleia Fundacional da Assembleia de Estudos Galegos

Este sábado, dia 12 de novembro, desenvolveu-se a primeira assembleia da AEG, que serviu para a aprovaçom dos Estatutos e a eleiçons dos diversos organismos da entidade.

O encontro assemblear, decorrido no Centro Social do Pichel, em Compostela, serviu para fomentar a fraternidade entre as sócias e sócios que participárom, pondo em comum ideias sobre o rumo que deve ter a Associaçom de Estudos Galegos.

A Junta Diretiva da Associaçom será, nesta etapa inicial, presidida polo companheiro Joám Lopes Facal. A vicepresidência corresponde à companheira Beatriz Bieites Peres, sendo Alba Marinha Souto a secretária e José Cadaveira o tesoureiro. Como vogais, fam parte do mesmo organismo diretivo Raquel Paz e Maurício Castro, enquanto o secretário da Comissom Lingüística, Jorge Rodrigues, também fai parte do mesmo em qualidade de tal.

Na Assembleia Fundacional foi apresentada às sócias e sócios a revista da entidade, Kallaikia, cujo primeiro número está já impresso e terá umha periodicidade semestral, ficando aberta desde já à participaçom de quaisquer autores e autoras interessadas em publicar os seus trabalhos. O Comité de Redaçom, integrado por Maurício Castro, Carlos Garrido, Beatriz Bieites, Paulo Painceiras e Raquel Paz, decidirá sobre as propostas que lhe forem encaminhadas.

Também se apresentou o novo Dicionário Galego do Basquetebol, segundo compêndio terminológico do ámbito desportivo editado pola AEG, que no dia anterior foi disponibiilizado gratuitamente online no nosso site e pode ser descarregado aqui.

Vários projetos fôrom apresentados à Assembleia como projetos imediatos, entre eles a progressiva construçom do espaço na internet, incluindo o site e as redes sociais, assim como diversas colaboraçons previstas com entidades do tecido social galego.

rev

Última modificação emDomingo, 13 Novembro 2016 17:04
Avalie este item
(1 Voto)

Itens relacionados (por tag)

45 comentários

Deixe um comentário

Certifique-se de preencher os campos indicados com (*). Não é permitido código HTML.

voltar ao topo

Facebook Twitter RSS Global