Autenticar
Main menu

A AEG utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar
Apresentaçom da AEG e do seu grupo promotor

Apresentaçom da AEG e do seu grupo promotor

Eis o primeiro comunicado público emitido polo grupo promotor da AEG, anunciando o ato público de apresentaçom da entidade.

APRESENTAÇOM PÚBLICA DA ASSOCIAÇOM DE ESTUDOS GALEGOS (AEG)

As pessoas abaixo-assinadas, integrantes do seu grupo promotor, querem por este meio comunicar a convocatória de um ato público de apresentaçom na Igreja de Sam Domingos de Bonaval, em Compostela, neste sábado, dia 16 de janeiro, às 12 horas do meio-dia.

O motivo deste ato é apresentar publicamente o início do processo pré-assemblear para a fundaçom de umha nova entidade nacional, de caráter cívico-cultural, que terá como objetivo fundamental estabelecer e regular, atraveś do seu órgao académico, o padrom lingüístico galego, com critério reintegracionista, perspetiva nacional e em pé de igualdade com os restantes países de língua galego-portuguesa.

texto Além de trabalhar na padronizaçom da nossa língua a nível académico, científico e social, a Associaçom de Estudos Galegos (AEG) atenderá a outros aspetos do processo normalizador dos usos sociais do galego, com umha aposta clara na plena soberania nacional e lingüística do nosso povo.

Além da estritamente lingüística, outras áreas do conhecimento poderám igualmente contar com comissons de trabalho específico, sempre ao serviço da construçom nacional da Galiza numha perspetiva lingüístico-cultural, entendida num sentido amplo e nom partidarista.

As pessoas que iniciamos este caminho julgamos importante, num momento de crise como o que a Galiza atravessa, a construçom de ferramentas que, como a que agora lançamos, tenham vocaçom aberta e de serviço do nosso povo.

Nascemos igualmente com a melhor disposiçom para o trabalho colaborativo com todo o tipo de entidade vocacionada para o serviço ao nosso país; principalmente as cada vez mais numerosas que, a nível local, setorial e nacional, coincidem connosco na orientaçom inequivocamente reintegracionista.

É por todo isso que, para explicar com maior precisom o processo de organizaçom, a sua composiçom e o trabalho de utilidade social que a nossa entidade vai realizar a partir deste momento, esperamos contar com a vossa presença este sábado no ato que organizamos na capital do nosso país.

O grupo promotor da Associaçom de Estudos Galegos

Compostela, Galiza, 13 de janeiro de 2016

Afonso Mendes Souto. Corunha
Alba Marinha Souto. Compostela
Álvaro Garrido Rodrigues. Ourense
Beatriz Bieites. Compostela
Carlos Garrido Rodrigues. Vigo
Dores Valcárcel Guitiám. Corunha
Eva Cortinhas Ferreira. Marinha
Gonçalo Gonçales. Munique, Alemanha
Helena Sabel. Compostela
Jacobe Pintor. Lugo
Jesus Miguel Conde. Vigo
Joám Lopes Facal. Costa da Morte
Joám Luís Ferreiro Caramês. Ferrol
Jorge Rodrigues Gomes. Vigo
José A. Corral Iglésias. Corunha
José António Souto Cabo. Compostela
José Cadaveira. Compostela
Luzia Jurjo. Compostela
Maca Igrejas. Compostela
Marcos Lopes. Compostela
Maria Vila Verde. Lugo
Maurício Castro Lopes. Ferrol
Paulo Painceiras. Compostela
Paulo Valério Árias. Corunha
Pim Patinho Penya. Ferrol
Raquel Paz Lopes. Narom

Última modificação emSábado, 23 Janeiro 2016 16:22
Avalie este item
(0 votos)

Deixe um comentário

Certifique-se de preencher os campos indicados com (*). Não é permitido código HTML.

voltar ao topo

Facebook Twitter RSS Global