Autenticar
Main menu

A AEG utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar
'Micro-ondas' e outros usos do hífen no padrom galego

'Micro-ondas' e outros usos do hífen no padrom galego

Destaque

 

Tenho dúvida de como aquecer a ceia. Se som reintegrata, e vivendo no Estado espanhol... tenho que usar o micro-ondas como se escreve em português ou microondas, como se escreve em espanhol?

 

Fernando. Corunha

 

RESPOSTA DA COMISSOM LINGÜÍSTICA DA AEG

 

O Acordo Ortográfico da Língua (Galego-)Portuguesa de 1990, adotado —com algumha adaptaçom— polo padrom galego reintegracionista da Comissom Lingüística da AGAL/AEG em 2010 (v. Compêndio Atualizado das Normas Ortográficas e Morfológicas do Galego-Português da Galiza, da CL-AEG, 2017), prescreve que nos recompostos (termos integrados por radicais greco-latinos ou por um radical greco-latino e umha palavra) os seus componentes som unidos por um hífen (ou traço de uniom) quando o segundo elemento compositivo, independentemente da sua natureza, começa com a mesma vogal com que termina o primeiro (ex.: eletro-óptico, anti-imperialismo).

 

Também se mantém o uso de hífen noutros contextos muito concretos, como nos prefixos acabados em r seguidos dessa mesma letra (ex. hiper-realismo); circum- e pan- quando o segundo elemento começa por vogal, h, m ou n (ex. circum-navegaçom, pan-helenismo, pan-africano), ou os prefixos pós-, pré- e pró- junto a elementos lexicais com sentido próprio (ex. pós-modernismo, pré-história, pró-independentista).

 

Por conseguinte, o caso de micro-onda corresponde ao primeiro dos descritos acima, um recomposto em que o primeiro elemento compositivo é o radical de origem grega micro, que significa ‘pequeno’, e o segundo, onda, palavra da língua comum. E, naturalmente, tamém se deve escrever em galego-português forno de micro-ondas, que é, de facto, a aplicaçom das micro-ondas por que se interessa o nosso amável consulente.

 

Última modificação emSegunda, 05 Fevereiro 2018 12:31
Avalie este item
(2 votos)
voltar ao topo

Facebook Twitter RSS Global