Autenticar
Main menu

A AEG utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar

Coordenadora de Equipas de Normalizaçom Lingüística leva os Maios e a língua às ruas de Ferrol

O 25 aniversário continua a ser comemorado pola Coordenadora de Equipas de Normalizaçom Lingüística de Ferrolterra do jeito que melhor sabem: com atividade socializadora da língua e cultura galegas.

O espetáculo leva por título 'Ferrol de flores coberto” e será no dia 6 de maio e servirá para celebrar o início da primavera, difundindo umha festa tradicional que Ferrol mativo no bairro de Canido e que nos últimos anos ganha novo fôlego graças a iniciativas vicinais e culturais.

Por enquanto, 11 centros em que estudam dous mil rapazes e raparigas estám inscritos para a participaçom na iniciativa, que vai decorrer na Porta Nova de Ferrol e incluirá música e teatro, além da elaboraçom dos maios.

O público alvo som principalmente as crianças de ensino primário, mas também alguns institutos de secundários vam aderir. A atividade será apresentada e conduzida polo grupo de teatro Ghazafelhos, originário da comarca de Trasancos.

Paco Nogueira será o encarregado de dar conteúdo musicial ao evento, com o espetáculo “Brinca vai!”

Mais umha iniciativa da Coordenadora de Equipas de Normalizaçom Lingüística mais antiga e ativa do País. Os nossos parabéns!

Leia mais ...
Assinar este feed RSS

Facebook Twitter RSS Global