Autenticar
Main menu

A AEG utiliza cookies para o melhor funcionamento do portal.

O uso deste site implica a aceitaçom do uso das ditas cookies. Podes obter mais informaçom aqui

Aceitar
Comunicado da Associaçom de Estudos Galegos em favor do prolongamento ao ano 2021 da Homenagem Nacional a Ricardo Carvalho Calero

Comunicado da Associaçom de Estudos Galegos em favor do prolongamento ao ano 2021 da Homenagem Nacional a Ricardo Carvalho Calero

Destaque

A Associaçom de Estudos Galegos (AEG), na sua condiçom de entidade cultural reintegracionista empenhada em preservar fielmente, com o assessoramento técnico da sua Comissom Lingüística, o magistério filológico, teórico e prático, de Ricardo Carvalho Calero e o seu legado emancipador, fai público requerimento à Real Academia Galega e à Conselharia da Cultura do Governo Galego para que, perante as presentes restriçons impostas à vida social por causa da epidemia coronaviral, adotem a resoluçom de estenderem ao próximo ano 2021 a dedicaçom do Dia das Letras Galegas a Ricardo Carvalho Calero e, em conseqüência, prolonguem o programa de atividades de divulgaçom do exímio legado cívico e cultural do Mestre reintegracionista.

Com essa medida indispensável, a Real Academia Galega e a Conselharia da Cultura do Governo Galego nom só contribuiriam para reparar umha omissom de homenagem e reconhecimento públicos injustificadamente postergados durante largos anos, como também possibilitariam —de maos dadas com a reativaçom e envolvimento do ensino, dos agentes culturais, do setor editorial e dos meios da comunicaçom social— a aproximaçom da cidadania galega de um legado lingüístico e literário, o de Carvalho Calero, fundamental para hoje revitalizarmos a língua autóctone da Galiza, prestigiarmos a sua literatura e internacionalizarmos a sua cultura.

A Diretiva da AEG, em Santiago de Compostela, a 20 de abril de 2020

Avalie este item
(2 votos)

Itens relacionados (por tag)

5122 comentários

Deixe um comentário

Certifique-se de preencher os campos indicados com (*). Não é permitido código HTML.

voltar ao topo

Facebook Twitter RSS Global