Associaçom de Estudos Galegos -
Imprimir esta página
Campanha de angariaçom de fundos da Semente Lugo

Campanha de angariaçom de fundos da Semente Lugo

Reproduzimos a seguir o texto da campanha de angariaçom de fundos lançada polo coletivo de maes e pais promotoras da Escola A Semente em Lugo.

Passarom nove meses desde que um grupo de maes e pais, educadoras e ativistas em defesa da língua, seguindo o exemplo das experiências em andamento em Compostela, Vigo e Trasancos decidimos plantar em Lugo a semente dumha escola em galego com um ensino transformador. Nove meses de cultivo, de dedicaçom e de mimo para vermo-nos hoje recompensados com o fruto deste trabalho: as aulas começarom para a primeira geraçom de crianças da Escola de Ensino Galego em Lugo!

Semente Lugo é umha iniciativa autogestionada e comunitária, se hoje o projeto dumha escola de imersom lingüística baseado nos valores da coeducaçom, a solidariedade e a cooperaçom é umha realidade em Lugo, é graças ao contributo das suas sócias e ao trabalho coletivo.

Porém, o projeto que coletivamente pugemos em andamento nom se detém aqui, começa um novo tempo para a Semente Lugo no que devemos enfrentar novos desafios. Com este propósito decidimos lançar umha campanha de financiaçom através da plataforma de crowdfunding Goteo.org com o fim de cobrir as necessidades que enfrenta a Semente Lugo relacionadas com a reabilitaçom do edifício da antiga escola de Barbaim: Instalar um sistema de aquecimento eficiente, habilitar o andar de cima para a realizaçom de atividades, garantir o salário da educadora, etc.

Desde a Semente Lugo fazemos portanto, um chamamento para a tua participaçom ativa no desenvolvimento da campanha. Podes colaborar de diversas maneiras: ajudando a financiar o projeto, difundindo-o e fazendo chegar à tua rede de contactos, família, amizades, colegas de trabalho..., e através dos meios dos que disponhas: redes sociais, telefone, mail, conversas..., a informaçom e a ligaçom do crowdfunding que incluímos aqui...

https://gl.goteo.org/project/semente-lugo

Avalie este item
(0 votos)
© Meet Gavern - Free Joomla! 3.0 Template 2019